Meeqqat atuarfianniit inuusuttut ilinniarfiinut ingerlaqqinnerit

Meeqqat atuarfiini naammassisimasut ilaat inuusuttunut ilinniarfimmut ingerlaqqinnginnerminni efterskolertarput imaluunniit assersuutigalugu Majoriami piginnaanngorsaqqinnermik højskolimilluunniit ingerlatsisarlutik.

Kisitsisitigut paasissutissani matumani meeqqat atuarfianni naammassisimasut atuartut qanoq amerlatigisut inuusuttunut ilinniarfimmik, tassa ilinniarnertuunngorniarnermik aammalu inuussutissarsiornermik ilinniarnermik, aallartitsisarnerat kisimi pineqarpoq.

 

Kisitsisitigut paasissutissani meeqqat atuarfiini soraarummeernermi minnerpaamik misilitsinnermi ataatsimi peqataasimasut tunngavigineqarput, meeqqat atuarfianni atuartut tamakkerlugit nalunaarsuuteqannginnerat peqqutigalugu. Tamanna meeqqat atuarfianni soraarummeernermi misilitsissimanngitsut, assersuutigalugu specialklassini atuartut, kisitsisini ilaatinneqannginnerannik isumaqarpoq.

 

Meeqqat atuarfianni soraarummeertut affai inuusuttunut ilinniarfimmik aallartitsisarput

2019-imi meeqqat atuarfianni soraarummeertut akornanni 52 pct.-ii ukiut marluk ingerlanerini inuusuttunut ilinniarfimmik aallartitsisimapput. Atuartut amerlanersaat, 83 pct.-iinik annertutigisut, ilinniarnertuunngorniarnermik aallartitsisimapput 17 pct.-iilu inuussutissarsiornermi ilinniarnermik aallartitsisimallutik.

 

Ukiut marluk ingerlanerini inuusuttunut ilinniarfimmut ingerlaqqittartut amerlassusaat 50 pct.-it missaaniittarpoq.

 

Titartagaq 1. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut annertussusaat, 2010-miit 2019-imut soraarummeertut

Najoqqutaq: Naatsorsueqqissaartarfik – kisitsisit Kisitsisaataasivimmi takukkit (https://bank.stat.gl/UDNTRFA1).

 

Kommunit malillugit ingerlaqqittarnerit annertussusaat

Kommunit malillugit immikkoortiterinermi Qeqqata Kommuniani meeqqat atuarfiini soraarummeertut inuusuttunut ilinniarfinni aallartissimasut amerlanerupput. Agguaqatigiissillugu Qeqqata Kommunia 2017-imiit 2019-imut meeqqat atuarfianni soraarummeersimasut 57 pct.-ii soraarummeernerup kingorna ukiut marluk ingerlanerini inuusuttunut ilinniarfinni ilinnialersimapput. Kommune Kujalleq kiisalu Avannaata Kommuniani ingerlaqqittartut 51 pct.-iullutik kiisalu 44 pct.-iullutik appasinnerupput.

 

Titartagaq 2. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut annertussusaat, 2017-imiit 2019-imut soraarummeersimasut agguaqatigiissinneri

Nassuiaat: Kommunit ilaat ikittuinnarnik atuartoqartarnerat peqqutigalugu titartagaq ukiunik pingasunik agguaqatigiissitsilluni suliaavoq.

Najoqqutaq: Naatsorsueqqissaartarfik – kisitsisit Kisitsisaataasivimmi takukkit (https://bank.stat.gl/UDNTRFA1).

 

Niviarsiaqqat ilinniarnertuunngorniarnermik toqqaasartut nukappiaqqanit amerlanerusut

2019-imi meeqqat atuarfiata naammassereernerani niviarsiaqqat 58 pct.-ii ilinniakkanut ingerlatsipput, nukappiaqqat 46 pct.-ii ingerlatsillutik. 2010-mili taamatut ingerlasimapput.

 

Niviarsiaqqat (53 pct.-it) pingaartumik ilinniarnertuunngorniarnermik toqqaasarput, ikinnerusullu (6 pct.-it) inuussutissarsiornermi ilinniakkamik aallartitsisarlutik. Nukappiaqqat akornanni amerlanerusut (34 pct.-it) aamma ilinniarnertuunngorniarnermik aallartitsisimapput. Ikinnerusulli (12 pct.-it) inuussutissarsiornermi ilinniakkamik aallartitsisimallutik.

 

Titartagaq 3. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut annertussusaat suiaassuseq malillugu, 2019-imi soraarummeertut

Najoqqutaq: Naatsorsueqqissaartarfik – kisitsisit Kisitsisaataasivimmi takukkit (https://bank.stat.gl/UDNTRFA2).

 

Eqikkaaneq

 

Tabel 1. Meeqqat atuarfianniit ukiut marluk qaangiunnerini inuusuttunut ilinniarfinnut ingerlaqqinnerit, 2019-imi soraarummeertut

Ilinniakkap qaffasissusaa		Ingerlatsisut			Naammassin-nissimasut	Unitsitsisut	Aallartitsisim-anngitsut	Katillugit
				Amerlassusaat
Ilinniarnertuunngorniarneq			214		-	66	-	280
Inuussutissarsiornermi ilinniarneq			40		5	13	-	58
Nalunaarsuuteqanngitsut			-		-	-	310	310
Katillugit			254		5	79	310	648
				Procent
Ilinniarnertuunngorniarneq		33,0			-	10,2	-	43,2
Inuussutissarsiornermi ilinniarneq		6,2			0,8	2,0	-	9,0
Nalunaarsuuteqanngitsut		-			-	-	47,8	47,8
Katillugit		39,2			0,8	12,2	47,8	100,0

Najoqqutaq: Naatsorsueqqissaartarfik – kisitsisit Kisitsisaataasivimmi takukkit (https://bank.stat.gl/UDNTRFA1).

 

 

Tabel 2. Meeqqat atuarfianniit ukiut marluk qaangiunnerini inuusuttunut ilinniarfinnut ingerlaqqinnerit suiaassuseq malillugu, 2019-imi soraarummeertut

Ilinniakkap qaffasissusaa	Ingerlatsisut	Naammassin-nissimasut	Unitsitsisut	Aallartitsisim-anngitsut	Katillugit
Nukappiaqqat	Amerlassusaat
Ilinniarnertuunngorniarneq	76	-	34	-	110
Inuussutissarsiornermi ilinniarneq	27	3	10	-	40
Nalunaarsuuteqanngitsut	-	-	-	174	174
Katillugit	103	3	44	174	324
	Procent
Ilinniarnertuunngorniarneq	23,5	-	10,5	-	34,0
Inuussutissarsiornermi ilinniarneq	8,3	0,9	3,1	-	12,3
Nalunaarsuuteqanngitsut	-	-	-	53,7	53,7
Katillugit	31,8	0,9	13,6	53,7	100,0
Niviarsiaqqat	Amerlassusaat
Ilinniarnertuunngorniarneq	138	-	32	-	170
Inuussutissarsiornermi ilinniarneq	13	2	3	-	18
Nalunaarsuuteqanngitsut	-	-	-	136	136
Katillugit	151	2	35	136	324
	Procent
Ilinniarnertuunngorniarneq	42,6	-	9,9	-	52,5
Inuussutissarsiornermi ilinniarneq	4,0	0,6	0,9	-	5,6
Nalunaarsuuteqanngitsut	-	-	-	42,0	42,0
Katillugit	46,6	0,6	10,8	42,0	100,0

Najoqqutaq: Naatsorsueqqissaartarfik – kisitsisit Kisitsisaataasivimmi takukkit (https://bank.stat.gl/UDNTRFA1).